حلى الفول السوداني اللذيذ💔

وهنا زاويه آخرى 😉

السلا م عليكم متآبعاتي ومن بعد غياب العيد ومايتبعه اجيب لكم غنايمي ،

حلى جدا لذيذ بالفول السوداني والتشوكلت ،

عشر دقايق ويجهز

الحلى يختلف تماما عن الاصلي هذا سويته بطريقتي حسب اللي كان متوفر عندي فالمطبخ والحمدلله النتيجه كانت فوق فوق المرضيه 👍

المقادير ،.👩

حبتين وسط بسكوت دايجستف مطحون

ونص علبه فول سوداني

اصبع زبده

تخلط جميعها مع بعض حتى تتماسك مع اضافة شوي نستله وتفرد في صينية دائريه او مستطيله حسب اختيارك اذا مستطيله حطي ورق زبده حتى يسهل اخراجها اما اذا صينية التشيز الدائريه مانحتاج له ،

مقادير الطبقه العلويه ،😊

كريمة تزيين جاهزه من بيتي كروكر بالشوكلت اخذتها من سوبرماركت عاديه العلبه تجي صغيره ولذيييذه اللي خلاني اضيف عليها نص علبة نوتيلا الصغيره وماكفاني برضوا الخليط قليل مقارنة بالصينيه فا اضفت ملعقتين فول سوداني وخلطتهم لحد ماتجانست طبعا الخليط لانه كان بارد من الثلاجه كان جامد شوي دخلته المكرويف فصار سلس وينصب فالصينيه بسهوله القوام كان كريمي جدا دخلته الثلاجه لين يجمد بعدها برشت فلك فلاك فوقه وزينته بصوص الهيرشي وبالعافيه ،.

💕💟