بسم الله الرحمن الرحيم
مرحبا للعودهـ للتدوين من جديد ..
التدوين والاستمرار بالتدوين عاده من اجمل العادات في حياة الشخص .. فيها أجد نفسي ومن خلالها استطيع أن ارتب يومي , غاياتي بل وحتى شتات نفسي. لكن مع تغير الظروف يصبح الأمر فيه صعوبه. لا أريد الإطاله فالموضوع يحتاج تدوينه خاصه حتى ينال نصيبه كاملاً عموماً حبيت أبدأ بكبستي اللذيذة يمكن لاني جايعه وبنص الليل اشتهيت كبستي لكن ماراح اتهور وأطبخ وريحة الكشنه والازعاج والناس نايمه 🙂 – هالكبسه حقت بيت لك انتي واهلك يعني شي غير متكلف لكن لو بقدمها لضيوف اكيد ماراح اقدمها بهالطريقه.
مالكم بالطويله .. المقادير( حسب احتياج الاسره وتقدرين تزيدين من المكونات اللي تحبينها) نص حبة بصله تتقطع صغار وتتشوح عالنار مع شريحة فلفل بارد وحبتين لومي أو حسب حاجتك وقفشة ثومه كامله بدون تقطيع أنا احط 2 لأني احب طعمها مع الكبسه وكم حبة هيل ومسمار وورقتين غار ومعجون طماطم ( تقدرين تضيفين طماطم مقطع صغار أنا مااضيفه المعجون يكفي )وشوي مويه تتشوح كلها مع بعض لحد ماتتسبك ثم اضيف لها البهارات المطحونة ( بهار مخلط – كمون – كزبره – كركم – قرفه – ثوم ) وعلى جنب يكون الدجاج او اللحم جاهز طبعا الدجاج شايله جلده نخليه يتسبك وياخذ ريحة تسبيكه وطبعا ماننسى الملح. أخر شي انضيف المويه الحاره لحد مانغمر الدجاج ويكون عندي كم حبة بطاطس بقشرها بعد مانظفتها اضيفها بدون تقطيع ونخليه مغطى ربع ساعه ع نار متوسطه . بعد الاستواء يكون رزنا مغسول ومنقوع وجاهزنضيف الرزعلى الدجاج واذا يحتاج نزيد المويه نزيدها وبرضوا نتأكد من الملح ونضيف زبده بالكميه اللي ماتخلي رزنا ناشف ونغطيه ع نار هاديه ربع ساعه او لحد ماتنشف مويته ويستوي تمام وبالعافيه.
المقادير حسب الاحتياج
WATEVER ! 